hagrass_piso
طالب بد يجتهد
عدد الرسائل : 114
العمر : 34
كليتك ايه : فنون جميله
تاريخ التسجيل : 07/08/2008
 |  موضوع: من أروع أشعارى لسنة 2007  الإثنين أغسطس 11, 2008 11:55 am | |
|
أصدق فأقوالك ديمة
ولاتقعد واحد كذاب
هذى عادة وماترضينا
تبعد عنك الاحباب
الكذب حبله قصير
والصدق اطول الاحبال
اعمل فى دنياك الخير
ترقد ديمة مرتاح البال
حاسب نفسك قبل الغير
ولاتمشى فى قولة قال
وسع بالك كون صبور
تتحققلك كل امال
ابعد ديمة عالشرير
وخلى عندك وسعة بال
راقبها اعمالك بضمير
وامشى ديمة فهالمنوال
اسعى واعمل ديمة الخير
ربك عالم بيه الحال
ولاتقول اللى يصير يصير
خليك ديمة مرتاح البال
الدنيا ماتبى المغرور
اللى ماعنده غير المال
عايش فى مساكن وقصور
وضيع فى الدنيا الاعمال
كن فرحان وكن مسرور
وفى الدنيا مافيش كمال
تواضع واعمل ديمة الخير
ربك يصلحلك الاحوال
الكمال للعالى الخبير
خالق الارض والجبال
عالم باللى قبل يصير
مأخر للناس الاجال
أصدق فأقوالك ديمة
ولاتقعد واحد كذاب
هذى عادة وماترضينا
تبعد عنك الاحباب
*******************************
ياريتنى طير ونوصلك
ونوصله سلامى بالايد
نقعد ديمة مشتاقلك
نتمنى يقرب البعيد
سلامى نتمنى يوصلك
ويقولك قداش سعيد
ماليوم اللى فيه عرفتك
كل ايامى عيد فعيد
فى بعدك بيزيد غلاك
حياتى بوجودك عيد
تحية من قلبى نرسلك
حبك فى القلب يزيد
حياتى بلامعنى من دونك
نتمنالك عمر مديد
بوجودى معاك وبقربك
طول حياتى نكون سعيد
ياريتنى طير ونوصلك
ونوصله سلامى بالايد
نقعد ديمة مشتاقلك
نتمنى يقرب البعيد
*******************************
لاتغيب خليك قريب
من غيرك ماليش حبيب
لو تبعد تنزل دمعاتى
بعدك عنى شئ صعيب
ياغالى ياروح الروح
حبك تنبض بيه الروح
ياعمرى ياكل سنينى
فيك نفكر ماتغمض عينى
انت الونس فى دنيتى
وانت الزها اللى فيها
وانت محلى جلستى
وانت ربيع العمر ساكن فيها
بعدك عنى مانتحمل
ياغالى ماتكون بعيد
فى قربك ديمة نتأمل
عنك مايكفيش قصيد
لاتبعد عنى وتتركنى
فى الدنيا ونكون غريب
ماغيرك واحد يفهمنى
ولاغيرك بيكون حبيب
لاتغيب خليك قريب
من غيرك ماليش حبيب
لو تبعد تنزل دمعاتى
بعدك عنى شئ صعيب
*******************************
من همى نشكى وانعانى
ونحكى لكل الناس أحزانى
حبيبى خلانى وحدانى
وضيع بغيابه عنوانى
فى الماضى كان يواسينى
واليوم تركنى وخلانى
خلانى من حبه نعانى
بسهمه وسط القلب رمانى
الدنيا من بعده خانتنى
بهجرانه زادت طعنتنى
ومالقيتش واحد ساندنى
بروحى بين أمواج نعانى
وانت تعمدت تسيبنى
مقصودة ماهى بلعانى
ظالمنى والله ظالمنى
بغيابك زايد حرمانى
بقدوم العيد يهنونى
كيف بنفرح بالتهانى
ومن حبى الغالى حرمونى
وخلونى بروحى وحدانى
من همى نشكى وانعانى
ونحكى لكل الناس أحزانى
حبيبى خلانى وحدانى
وضيع بغيابه عنوانى
*******************************
hagrass_piso | |
|
zooon5
طالب هيبى معيد
عدد الرسائل : 451
العمر : 34
ظروفك ايه؟ : لاعب وثب عالى باتحاد الشرطه
حالتك ايه؟ : شرانى
كليتك ايه : تجاره انجليزي
البلد : ma7ala
تاريخ التسجيل : 10/07/2008
| | موضوع: رد: من أروع أشعارى لسنة 2007 الإثنين أغسطس 25, 2008 4:40 am | |
| | |
|
BeCoOo
Admin
عدد الرسائل : 879
العمر : 34
ظروفك ايه؟ : طالب جامعي
حالتك ايه؟ : عال العال
كليتك ايه : تجاره انجليزي
البلد : tanta
تاريخ التسجيل : 10/07/2008
| | موضوع: رد: من أروع أشعارى لسنة 2007 الثلاثاء سبتمبر 09, 2008 5:56 pm | |
| thanx 3ala el topic el gamed da
| |
|
