كلام من القلب .... حلقه 2

كلام من القلب

كلام فى الحب

بين سهر الليالى

و آلام البعد

بين روعة التلاقى

و لهفة الإنتظار

هتكون حلقات سلسلتنا


كــلام مــن القلــب


و أول حلقاتنا :


بيــن الصدمــة و الإنتظــار


كتير مننا سواء ولد أو بنت بيبقى راسم فى خياله صورة الحبيب المنتظر

الولد راسم صورة الأميرة الحسناء

و البنت بتتخيل فارسها الهمام و حصانه الأبيض

و بنكبر و بتكبر معانا تخيلاتنا و أحلامنا

و بننقسم لفريقين ..

فريق بتفضل صورة الحبيب المثالى شاغلة باله

و دايما عايش يدور على الحبيب دا

و مستحيل يرضى بأى بديل عنه

و فريق تانى بينسى الحكاية دى و لو لقى قدامه إنسان يحس إنه يستاهله بجد بيرتبط بيه

حتى لو مكانش فيه كل مواصفات حبيبه المثالى



مشكلة الفريق الأول إنه ممكن يستنى كتيـــــــــــــــر قوى

يستنى حب حصوله مش مضمون

و تمر بيه السنين

و فجأة .. تصدمه الحقيقة المرة

و يفاجأ إنه ضيع حياته كلها فى إنتظار حب مش موجود

و دا لأنه كانت عنده أمال عالية فى مواصفات شريك الحياة

مواصفات مستحيل توافرها فى إنسان واحد

و يبدأ يعانى مرحلة جديدة فى حياته ..

مرحلة الوحــدة

و يبقى بين خيار من إتنين ..

يا يعيش باقى عمره وحيد

يا إما يرضى بأى شخص يدخل حياته فى المرحلة دى

و طبعا بيبقى الشخص دا مش على مستوى التوقعات

لذلك أفضل للفريق دا من الناس إن توقعاته تبقى أكتر واقعية

صحيح لو صدقت توقعاته العالية و قابل حب العمر هيعيش لحظات أسطورية

لكن فرصة حدوث دا كام % ؟!

أعتقد إنه سؤال إجابته صعبة .



بالنسبة للفريق التانى بتبقى فرص النجاح أكبر

و غالبا بيعيش حياة مستقرة

لكنه دايما مفتقد فى شريك حياته لشىء

غالبا مش بيبقى عارف هو إيه ؟!

لكنه لو فكر بعمق ..

هيكتشف إن فى أعماقه صورة الحبيب المثالى عمرها ما فارقته

لكنه أقلم نفسه إنه يتعايش مع الواقع

و إن مفيش إنسان كامل 100 %

و إن الفكرة إنى أقدر ألاقى إنسان فيه معظم المواصفات اللى بدور عليها

و النوع دا من الناس لو أحسن الإختيار بيعيش حياة سعيدة للأبد .



فيه فريق تالت من الناس ماتكلمناش عنه

و هو فريق الوسط

فريق عايش الحلم زى الفريق الأول ..

لكنه فى نفس الوقت معندوش مانع من الإرتباط التقليدى

بالنسباله لو جه حب العمر يبقى خير و بركة

و لو مجاش .. أهه عنده فرصة الإختيار و عنده أوبشن الحياة السعيدة المستقرة

بعكس النوع الأول اللى عاش كل حياته فى إنتظار أسطورة

يا تتحقق و يعيش معاها لحظات أسطورية فعلا

يا إما تتبخر و ميلاقيش وقتها غير الوحدة رفيق للطريق .



يا تــرى إنت بقى ..

شايف نفسك من أنهى نــوع ؟!
كــلام مــن القلــب
كــلام مــن القلــب (2)
القلــم الرياضــى

الحق يقتنص ولايُهدى،
تُربى العضلات برفع الأثقال،
الأرض الواطية تشرب ماؤها وماء غيرها،
لاتُقاسم الغُرْم من لايقاسمك الغُنْم،
لاترضى بظلم ولو كلفك حياتك،
لاتركع لصنم قط ولو قطع رأسك،
حاكمك خادمك لاسيدك،
حقك في الحرية لايقلص حقك في الخبز،
لك ن صيب في دخل بلدك فلاتفرط فيه!!.