الشكرامون طاخ فى التراللى

امتداد لحملة التهييس اللى بدأتها النهارده واللى الله اعلم هتخلص امتى
ايه السر فى فيلم تيتو , اتفرجت
عليه الف مرة وبرضوه لسه بحب اتفرج عليه , فيه افلام كدة مستحيل تمل منها
مهما اتفرجت عليها , برضوة فيلم الكيف من اجمل اجمل الافلام العربى اللى
اتفرجت عليها , جميل جداااااا ان الفيلم يمزج قيمة بضحكة ومش اى ضحكة دى
ضحكة مجلجلة , أول مرة اتفرجت على فيلم الكيف كنت مع اربعة اصحابى , ضحكنا
ضحك رهيب وفاكر الاغانى اللى كانت فيه زى "يا حلو بانت لبتك .. تحرم عليا
محبتك .. آه يا قفا" , وفاكر جملة جملة من اللى ضحكتنا جامد زى مثلا لما
محمود عبد العزيز قال "ادينى فى الهايف و انا احبك يا ناننس" وناننس قاله
"لو قلت اسمى يا مزاجانجى هرفع عليك قضية" فقاله خلاص "ادينى فى الهايف
وانا احبك يا فننس" , وبرضوه لما يحيى الفخرانى يقول "والله الواحد مش
عارف انهى احسن اعلمه لغات حية والا لغة الشكرامون فى التراللى" , وفى اخر
الفيلم الجملة اللى عمرى ما هنساها "الشر مش بس فى ارادة السوء , الشر
كمان فى سوء الارادة" انا بحب النوع ده من الافلام اللى يضحكنى بطريقة
محترمة و ساخرة فى نفس الوقت اللى بيقولى فيه قيمة
ايه بقى الفايدة من كل الرغى اللى فوق ده !! , مش عارف بس عايز اقوله وخلاص

ميرسيه اوى

شكرا ليكي يا نونا

هههههههههههههههه
هو مين المهيس اللى قال الكلام ده
ههههههههههههههههههه
واه يا قفا

:D:D
tamam ya m3alem
da tahyeeeees asly